我都考完試, 咁你地都應該考哂試啦... 咁暑假有乜野做呢?
我建議你睇一d 書.... 睇乜野書呢? 會唔會係你地最鍾意的動漫呢?

我記得, 前幾次團契週會係 做導師的訓練, 要有愛心...
除左有愛心, 導師對信仰的根基都好重要的...
上半年你都有一個課程, 茁苗.. 呢個課程幫你打好個底... 希望你地對信仰有一定的根基...

我地點樣去做先可以防止敵人的侵入呢? 我覺得呢個世界有好多引誘去令你改變信仰... e.g. 天主教/摩門教/佛教/回教, 等等....
我地點樣去對抗呢 d 引誘呢?

呢個暑假, 我建議你地睇一d 講信仰的書.. 認識多 d 唔同信仰, 認清基督教同其他信仰的分別...
對你地信仰的發展同做導師的角色都好有幫助...
當然仲要讀經啦..

我前幾年去左長州傳福音.. 咁我同另外一個導師同一組..
咁當我果組傳緊福音向一個少年人的時候, 有1個大約 50幾 60歲的女士過埋黎聽... 佢仲係咁叫果個少年人去信...
之後就同果個 50幾60歲的女士傾計... 原來佢係信好多野, 唔單只基督教, 仲有 摩門教/天主教/東方閃電/佛教/孔教/回教/塔羅牌, 等等... 總之好多其他信仰..
我唔希望變成呢位女士...
更加唔希望對信仰唔認真/多重信仰/對信仰有一種 "寧可信其有 不可信其無" 的心態...