大家快d post番d代禱事項出來, 咁我地就可以更有效交流消息同知道團友仔團友女既代禱需要啦~!^^
我個組既代禱事項:
- 多謝天父讓Francesco可以係大學團契結識到好多唔同學系既弟兄姐妹, 並為佢有事奉既心志大大感恩; 另外, 知道佢一開學就好忙, D科對佢既要求亦好HARSH, 求主幫助佢學習有力
- 為親愛既巴基可以抽到時間返教會真係萬分感恩(我地好開心又可以見到你啊~~~~@@), 知道巴基既工時長, 每日營營役役, 想話自我增值都無時間, 仲好多時候唔夠休息, 求主保守佢既身體可以撐得住, 讓佢有分配時間既智慧
- GRACE導師既身體一直好反覆, 加上受抗生素影響腸胃唔舒服, 工作進度受阻, 求主你讓佢可以係祢裡面得平安、休息
- 鄺先生去左江西休假, 求主叫佢既旅程平安, 並且可以藉此重新得力去做牧養既工作
- 感謝主為我安排一份新工作, 願意主使用我在職場有更多學習, 並且有好見證
另外, 我又「偷听」到少杰個組既代禱事項, 咁我就順便打埋啦(有遺漏請補充)--
- 少杰既肩患仍要接受物理治療, 求主保守佢既康復進度, 唔好因為比賽而傷及舊患; 知道佢入到hall係一個可以學習人際既地方, 求主讓佢有交友既智慧, 並且係hall入面可以有好既生活見證; 又求主俾佢可以好好分配時間, 能夠恆常、有質素咁讀經靈修
- 求主指引娃娃既前路, 知道其實佢可能都未係好清楚自己既目標, 求主幫佢發掘自己既興趣, 並為自己將來既方向有所打算
- 感謝主賜俾團契一個忠心既僕人--kelvin, 求主繼續使用佢, 可以向小羊身教言教; 特別求主醫治佢脆弱既knees
- 仲有, karen就快去國泰返工啦, 求主保守佢既心, 知道因為要輪班既關係, 佢會擔心教會事奉等問題, 願主為佢作安排, 叫佢心裡常存從祢而來既平安, 又叫佢可以得到家人既諒解
沒有留言:
發佈留言