昨晚我係度諗緊自己生活既點滴, 覺得原來神既恩典好豐富－－
佢賜予我身邊有咁多既朋友, 得以建立一段段珍貴既友誼, 當中有唔少都係可以休戚與共既摯友;
佢帶領我由一個「流浪在外」既基督徒變成教會、團契既一份子, 係度有成長有學習;
佢教導我係生活既細節上時常看重基督徒既身份, 讓我可以明白聖經既內容, 又讓我可以係生活中實踐、學習;
佢陪伴我走過好多個孤單、無助、黑暗既路, 無論係高峰定低潮, 都不離不棄、默默守候;
佢醫治我曾經受傷既心, 令我可以更完全咁去接受自己既過去同軟弱, 亦令我既生命被愛同愛我既人所包圍;
佢看顧我的家庭同人生, 雖然我唔係生活係基督教既家庭裡面, 但係而家既我可以感受到家既溫暖, 而且中小學都可以「巧合」咁係基督教學校讀書, 得聞福音;
佢體貼我呢個小人物既一切需要, 無論我禱告既聲音幾咁微小, 亦無論我既祈求係幾咁芝麻綠豆, 佢都從不輕看......
一路思想, 我真係覺得好感動, 我只係一個微不足道既人, 但係佢對我既愛顧卻從來無間斷－－
於是我祈禱:「天父爸爸, 雖然我知道自己好有限, 但我好想回應祢對我既愛......」今日講道既題目愛的擔當, 之後就傳左張事奉既紙仔, 叫我地填寫一下想事奉既崗位, 以此回應神既愛.......
神既反應有時真係妙不可言!!!!
沒有留言:
發佈留言