榜樣

琴日下晝係退修會
我地5個小導師一齊去左愉景食lunch
太多人的關係..我地只o係food court食
當我地正要開餐的時候...
隔離枱個伯伯拎住的mcdonald餐倒左落地...
兩杯野飲都倒哂出泥
伯伯坐左o係度~低著頭好似好自責咁
我都只係坐左o係度...望住唔知點
呢個時候kelvin埋去幫個伯伯拎左兩杯野番去m記換
最後有清潔工人清理左地上的....
而kelvin就換左兩杯新的野飲俾伯伯
個伯伯好感激佢!

其實呢d場面我唔係未見過...
但係好似kelvin咁去伸出援手幫助人..我真係少之有少
o係kelvin幫個伯伯果一刻~我真係覺得慚愧
我地點解冇一個去幫果位伯伯?
o係呢件事上我覺得kelvin在眾人前做左個好好的榜樣
我地作為基督徒唔係就應該咁架咩?