我想問少少問題… (都幾尖銳, 如果唔太適合, grace 或者少杰可以 delete 呢個 post…)

1. 神會唔會預備非基督徒作基督徒的伴侶呢?
如果神會, 咁即係非基督徒可以同基督徒拍拖… 如果伴侶堅持唔信, 伴侶最後會唔會上天堂?
如果神唔會, 點解好多基督徒仲搵非基督徒伴侶拍拖呢? 正在拍拖的一對 (非基督徒 + 基督徒), 又應該點做呢? 佢地結果又會係點樣?

2. 如果去到一個好大的年紀, 講緊 50歲以上, 都仲搵唔到基督徒伴侶, 應該去搵一個非基督徒伴侶, 定係唔結婚呢?


我自己冇拍拖, 亦都唔會短時間內拍拖… 我以一個旁觀者身份去睇”基督徒同非基督徒伴侶拍拖” 呢件事…

信仰同愛情的抉擇, 基督徒應該以信仰放第1位… 不過年青人會渴望愛情, 未試過愛情, 就想試… 得到愛情之後就沉迷, 晝夜思想伴侶, 就算分手之後, 都會掛念舊的伴侶…. 至於愛情會唔會去到首位, 取代信仰, 呢個就睇情況…

全世界基督徒, 其實只係佔好少數, 大多都係非基督徒… 搵基督徒的伴侶係唔容易的事…

我記得以前 herbert 講一個三角形, 神, 我, 她…. 3個人的距離應該一樣, 而且仲好近…
不過, 就算俾你搵到基督徒伴侶, 都唔一定相愛…

講果位基督徒, 知道未必係神預備的愛, 但係又愛果位非基督徒的伴侶… 果位基督徒, 我覺得有3個方法…
第1個方法係完全唔同佢開始, 但係唔開始又覺得對唔住自己….

第2個方法就係帶佢番教會, 等1段時間, 之後先開始拍拖… 首先, 一個異性帶人番教會, 果位非基督徒就會諗, 你有乜野企圖… 其他主內弟兄姊妹, 覺得你同佢拍拖, 你又做錯… 之後, 時間係唔會等愛情, 當果位非基督徒信左之後, 佢可能會識到另一 d 人, 而同另一d 人發展感情, 唔再愛開頭的基督徒…

第3個方法係開始先.. 非基督徒同基督徒, 照樣拍拖… 之後帶佢番教會… (俗語話, 先斬後奏)

你地會揀方法1, 2, 定3呢?

係咪好難揀呢? 因為年青人往往都唔能夠果斷去決定愛情的事… 又唔能夠以神的角度去分析愛情… 往往都係拖拖拉拉… 果斷就會導致分手離場… 遵從神的基督徒會揀第1個方法…

基督徒同基督徒拍拖, 其實呢段愛情先係真正愛情… 唔單止有兩人相愛, 仲有神的愛… 所以拍拖年期比一般非基督徒長…

我開呢個 entry 的原因, 係因為有疑問, 同埋嬲 [唔係嬲既, 不過有 d心痛] 一個團友 (唔係你地)… 果位團友拍左好多次拖, 次次都話要遵照神的旨意 結果同左非基督徒拍拖, 結果拍拖3個月之後就分手… 佢做得岩唔岩, 我冇權講…

願果位團友早日明白神的旨意, 亦願所有團友們搵到主內的另一半…