去了解一下你媽媽

睇到個題目 唔知大家有冇奇怪母親節未到 楊少杰做咩打埋d 咁ge topic 呀?
哈哈 老套講句 唔係母親節先要關心媽媽嫁ma~~

點解我會想打呢個topic ge 原因係我今日同左媽媽去買餸....
今日得9度 仲要落幾大ge 雨tim…

跟住媽媽行街市 發覺原來同星期日係MK 行街冇咩分別 你永遠都避唔開人... 因為真係好多人=.=
更甚的係所以行人都係拎住d 一袋二袋濕的餸 又或者係舉步維艱的公公婆婆
所以撞到人的殺傷力一定比你係MK 撞到個著得靚靚的後生仔或者OL姐姐來得大好多

經過一大輪係人群中激戰之後…
我發覺我的'戰利品'係重到我好辛苦先拎得起, 搬得動
我自問是個昂藏6尺差一吋的大好男兒
竟然要這樣辛苦地才能移動這個每天在廚房見到的環保袋!?
在我努力搬運的同時
我在想一個比我矮一個頭 肌肉絕對不比我發達的家庭主婦平日是如何把
我每天桌上美味豐富的食物搬回家的呢??

………

這大概就是媽媽的偉大了吧?
當你在夜裏讀書讀得死來活去 叫苦連天之時…
你可有想過在廳看似優閒地看電視的媽媽…
靜靜地, 默默地為你, 為這個家付上了幾多的汗水呢?

每天, 在你感謝天父賜你飲食之餘,
你可有感謝媽媽辛勞地為你煮上這餐美味可口的飯??
抱歉 我也沒有….
但是 就讓我們在今日起 嘗試多了解媽媽的辛勞
多表達自己對她的謝意和愛意
我深信... 這是每個媽媽最想收到的新年禮物.......